Mesut Özer: SOCAR ilə əməkdaşlıqdan məmnunuq

Antalya, 15 noyabr, AZƏRTAC “SOCAR Türkiye” şirkəti ilə uzun illərdir tullantıların toplanması və təkrar emalı sahəsində uğurlu əməkdaşlıq edirik. Bu əməkdaşlıq bizə çox böyük təcrübə qazandırıb.Bu fikri Antalyada davam edən BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyasında (COP31) AZƏRTAC-a açıqlaması zamanı Türkiyənin “EKOVAR Çevre Grup A.Ş” şirkətinin qurucusu və rəhbəri Mesut Özer səsləndirib.Bursa və Ankara ilə yanaşı İzmirin Aliağa rayoyunda da aktiv fəaliyyət göstərdiklərini qeyd edən şirkət rəhbəri “SOCAR Türkiye”, “Star” neft emalı zavodu və “Petkim” neft-kimya kompleksinin yerləşdiyi ərazidə tullantıların idarə edilməsi prosesini həyata keçirdiklərini bildirib. Bu məqsədlə 80 nəfərə yaxın əməkdaş və 40 müxtəlif nəqliyyat vasitəsini cəlb etdiklərini deyən şirkət rəhbəri 7 illik ilkin müqavilənin müddətinin artıq başa çatdığını, beş illik yeni razılaşmanın əldə olunduğunu ifadə edib. “SOCAR ilə əməkdaşlıqdan çox məmnunuq”, - deyə M.Özer vurğulayıb.EKOVAR-ın, həmçinin, litium batareyaların təkrar emalı üzrə Türkiyənin yeganə şirkəti olduqlarını ifadə edən M.Özer radioaktiv tullantıların ətraf mühitə neqativ təsirini minimuma…