Milli Kitabxanada “16 Noyabr – Beynəlxalq Tolerantlıq Günü” adlı virtual kitab sərgisi təqdim olunub

Bakı, 15 noyabr, AZƏRTAC Azərbaycan Milli Kitabxanasında “16 Noyabr – Beynəlxalq Tolerantlıq Günü” adlı virtual kitab sərgisi istifadəçilərin ixtiyarına verilib.Kitabxanadan AZƏRTAC-a bildirilib ki, virtual sərgidə Beynəlxalq Tolerantlıq Gününün yaranma tarixi və mahiyyəti, Azərbaycanda formalaşmış tolerantlıq ənənələri, multikulturalizm və birgəyaşayış prinsipləri ilə bağlı materiallar yer alıb. Sərgidə, həmçinin mövzuya dair dövri mətbuatda dərc olunmuş məqalələr, Azərbaycan və xarici dillərdə nəşr edilmiş kitablar nümayiş olunur.