“Keçmişdən sabaha yol kəlağayı” kitabı oxuculara təqdim olunub

Bakı, 14 noyabr, AZƏRTAC “Mirvarid Dilbazi Poeziya Məclisi” İctimai Birliyi və “Kəlağayı ev-muzeyi”nin birgə təşkilatçılığı ilə şair Brilyant Atəşin “Keçmişdən sabaha yol kəlağayı” adlı şeirlər kitabının təqdimatı keçirilib.AZƏRTAC xəbər verir ki, tədbirdə əvvəlcə şəhidlərin əziz xatirəsi bir dəqiqəlik sükutla yad edilib, Dövlət Himni səsləndirilib.Mərasimi açan “Mirvarid Dilbazi Poeziya Məclisi” İctimai Birliyinin sədri, “Kəlağayı ev-muzeyi”nin direktoru Güllü Eldar Tomarlı milli-mənəvi dəyərlərimizin gələcək nəsillərə ötürülməsinin vacibliyindən danışıb və bildirib ki, bu nəşr müəllifin sayca beşinci kitabıdır. Şair Lalə İsmayılın aparıcılığı ilə davam edən tədbirdə kitabın redaktoru, yazıçı Vaqif Osmanlı, şəhid Zaur İsmayılzadənin anası, qazi Sevil Hüseynova, eləcə də bir sıra şair və ziyalılar çıxış edərək kəlağayının tarixi və mənəvi əhəmiyyətindən bəhs edib, şeirlər səsləndiriblər.Müəllif Brilyant Atəş çıxışında kitabda Azərbaycan qadınının ləyaqətini, ana nəsihətini və kəlağayının fəlsəfəsini tərənnüm etdiyini vurğulayaraq təşkilatçılara və qonaqlara təşəkkürünü bildirib.Tədbir çərçivəsində “Kəlağayı ev-muzeyi”nin qədim və müasir kəlağayı nümunələrindən, həmçinin birliyin…