Bakıda Argentina Mədəniyyəti Günü qeyd olunub

Bakı, 14 noyabr, AZƏRTACBakıda Argentina Mədəniyyəti Gününə həsr olunmuş tədbir keçirilib.AZƏRTAC xəbər verir ki, tədbirdə Argentinanın zəngin mədəniyyəti, ədəbiyyatı, musiqisi, rəqs sənəti və milli mətbəxi nümayiş etdirilib.Azərbaycan və Argentina arasında mədəni əlaqələrin inkişafına töhfə verən tədbir çərçivəsində qonaqlara bu Cənubi Amerika ölkəsinin mədəni irsini yaxından tanımaq imkanı yaradılıb.Tədbirin bədii hissəsində Argentina mədəniyyətinin ayrılmaz parçası olan tanqo rəqsi təqdim edilib. Rəqs nümayişi iştirakçılar tərəfindən maraqla qarşılanıb.Proqram çərçivəsində rəssam İsmayıl Cabbarovun rəhbərlik etdiyi İncəsənət Məktəbinin şagirdlərinin əsərlərindən ibarət sərgi də təşkil olunub. Sərgidə Argentina ədəbiyyatının tanınmış yazıçı və şairlərinin portretləri, eləcə də onların əsərlərinə çəkilmiş illüstrasiyalar nümayiş etdirilib.Tədbirdə Argentinanın milli adət-ənənələrinə də xüsusi yer ayrılıb. İştirakçılara ölkənin gündəlik həyatında və mədəniyyətində mühüm yer tutan ənənəvi mate çayının hazırlanması və təqdim olunması mərasimi nümayiş etdirilib. Qonaqlar, həmçinin Argentina milli mətbəxinin müxtəlif təamlarını dadmaq imkanı əldə ediblər.Ədəbi-mədəni proqramın…