Husilər Səudiyyə Ərəbistanında dörd hədəfə zərbə endirdiklərini iddia ediblər

Bakı, 20 noyabr, AZƏRTAC Yəmənin “Ənsar Allah” hərəkatından olan husilər Səudiyyə Ərəbistanında, o cümlədən Ər-Riyadda dörd hədəfə hücum etdiklərini iddia ediblər. Hərəkat xarici investorları krallığı dərhal tərk etməyə çağırıb.AZƏRTAC xəbər verir ki, bu barədə husilərin sözçüsü Yəhya Səriə bildirib.Onun sözlərinə görə, hədəflər arasında Ər-Riyaddakı maliyyə mərkəzi və Kral Xalid Beynəlxalq Hava Limanı, Cübeyldəki Sədəf neft-kimya şirkəti və Xamis-Müşayt hava bazası olub.Qeyd edək ki, Səudiyyə Ərəbistanının Mülki Müdafiə İdarəsi daha əvvəl Ər-Riyadın maliyyə rayonunda çoxmərtəbəli binaya hücumu təsdiqləyib. Hadisə nəticəsində xəsarət alan olmayıb.





Şərhlər