Zelenski ABŞ Prezidentinin xüsusi nümayəndələri ilə görüşüb

Kiyev, 20 noyabr, AZƏRTAC Ukrayna Prezidenti Volodimir Zelenski Berlində ABŞ-nin xüsusi nümayəndələri Stiv Vitkoff və Cared Kuşner, eləcə də Avropa milli təhlükəsizlik müşavirləri ilə görüşüb.AZƏRTAC xəbər verir ki, bu barədə Zelenski “Telegram” sosial media hesabında bildirib.Zelenski danışıqlar yolunda Avropa, Ukrayna və Amerika arasında daha sıx əməkdaşlığın vacibliyini vurğulayıb.Zelenski qeyd edib ki, rəsmi Kiyev Avropa və Ukraynanın təhlükəsizliyi və gələcəyi ilə bağlı hər məsələnin maksimum koordinasiyasını müdafiə edir.Görüş zamanı Rusiyaya qarşı əsl maneə olacaq təhlükəsizlik zəmanətlərinə diqqət yetirilib."Ümid edirik ki, Amerika tərəfi Avropanın tam iştirakı ilə komanda səviyyəsində ilk çoxtərəfli görüşün ən qısa müddətdə təşkilinə kömək edəcək. Biz belə bir görüşün mümkün parametrlərini və gündəliyi müzakirə etdik", - deyə Prezident bildirib. Emil Hüseynli AZƏRTAC-ın xüsusi müxbiri Kiyev





Şərhlər