Azərbaycanın siyasi tarixinə həkk olunan Dublin Sammiti - ŞƏRH

Bakı, 14 noyabr, AZƏRTAC Xatırlayıram ki, əvvəllər Cənubi Qafqazla bağlı planları olan ölkələr Moskvaya səfər edir, qərarları da Kremldə verirdilər. Azərbaycan Prezidenti bu formatı kökündən dəyişdi. Artıq ölkəmizlə bağlı planı olan hər kəs əvvəlcədən razılaşdırılmış qaydada Bakıya səfər edir, nə istədiyini birbaşa Azərbaycan Prezidentinə deyir. Bu barədə AZƏRTAC-a açıqlamasında siyasi şərhçi Araz Balayev deyub.O bildirib ki, ötən il Avropa İttifaqının ali nümayəndəsi Kaya Kallasın və genişlənmə üzrə komissarı Marta Kosun, bu il isə Avropa İttifaqı Şurasının Prezidenti Antonio Koşta və Avropa Komissiyasının enerji və mənzil məsələləri üzrə komissarı Dan Yorgensenin, eləcə də Avropa Komissiyasının Prezidenti Ursula Fon der Lyayenin Azərbaycana səfərləri bu siyasi dəyişikliyin nəticəsidir. Bəzən isə liderlər Bakıya gəlmək əvəzinə Prezident İlham Əliyevin hansısa beynəlxalq tədbirdə iştirakını gözləyib orada danışıqlar aparmağa üstünlük verirlər. Bu baxımdan Avropa Siyasi Birliyinin Dublin Sammiti bir çox dövlət və hökumət başçısı üçün böyük fürsət idi. Amma Azərbaycan Prezidenti ilə görüş üçün müraciət çox, vaxt isə məhdud idi. Ukrayna, Moldova, Rumıniya, Litva prezidentləri, eləcə…