Əsas məzmuna keç
Son xəbərlər
Dünya

Antalya hava limanında Azərbaycanın Türkiyəyə qardaşlıq dəstəyini əks etdirən əsər diqqət çəkir

Mənbə: AZƏRTAC 5 baxış
Antalya hava limanında Azərbaycanın Türkiyəyə qardaşlıq dəstəyini əks etdirən əsər diqqət çəkir
Foto: AZƏRTAC

Antalya, 18 noyabr, AZƏRTAC Antalya hava limanında 2023-cü il fevralın 6-da Türkiyədə baş verən dağıdıcı zəlzələdən sonra Azərbaycanın göstərdiyi qardaşlıq dəstəyini əks etdirən sənət əsəri nümayiş olunur.AZƏRTAC xəbər verir ki, türkiyəli rəssam Aydın Yalçınkayanın “Deprem” (“Zəlzələ”) adlı əsəri azərbaycanlı Sərvər Bəşirlinin zəlzələdən zərər çəkən insanlara yardım aparmaq üçün köhnə avtomobilinə humanitar yardım ləvazimatları yüklədiyi məşhur foto əsasında hazırlanıb.140x105 santimetr ölçüsündə olan əsər parça fraqmentlərinin yapışdırılması texnikası ilə ərsəyə gətirilib. 2023-cü ilin martında yaradılan bu sənət nümunəsi çətin günlərdə Azərbaycan və Türkiyə xalqları arasında nümayiş olunan həmrəyliyi, qardaşlığı və humanizmi sənət vasitəsilə yaşadır.Əsərin Antalya hava limanında nümayişi Türkiyə-Azərbaycan qardaşlığının yaddaşlarda yaşayan təsirli nümunələrindən biri kimi diqqət çəkir. Günel Karatepe AZƏRTAC-ın xüsusi müxbiri Antalya

Paylaş:

Şərhlər

Şərhlər moderasiyadan sonra dərc olunur. Təhqiramiz və reklam xarakterli şərhlər silinir.

Oxşar xəbərlər

Dünya