Bu yolda sola dönən sürücülər cərimələnir

Abşeron rayonunun Aşağı Güzdək qəsəbəsində yol hərəkətinin təşkili sakinlər üçün ciddi narahatlığa çevrilib. Day.Az xəbər verir ki, sakinlərin sözlərinə görə, evlərinə avtomobillə qayıtmaq istəyən sürücülər yoldakı bütöv xətt səbəbindən sola dönə bilmirlər. Bu qaydanı pozaraq dönənlər isə 100 manat cərimə olunur və 3 cərimə balı alırlar.