Vyetnamla əməkdaşlıq Azərbaycanın Asiya bazarlarına çıxışını genişləndirəcək ŞƏRH

Bakı, 20 noyabr, AZƏRTAC Azərbaycanın xarici siyasətində Asiya istiqamətinin genişləndirilməsi hazırkı beynəlxalq münasibətlər sistemində xüsusi əhəmiyyət kəsb edir. Çünki bu gün dünyada iqtisadi və siyasi güc mərkəzlərinin yenidən formalaşması prosesi gedir. Xüsusilə Asiya ölkələrinin qlobal iqtisadiyyatda, beynəlxalq ticarətdə, texnologiya və sənaye istehsalında artan rolu bu regionla münasibətlərin inkişafını Azərbaycan üçün daha aktual edir. Əslində, Azərbaycanın Asiya ölkələri ilə əməkdaşlığını genişləndirmək ehtiyacı bir neçə amillə bağlıdır. İlk növbədə, xarici iqtisadi əlaqələrin şaxələndirilməsi, yeni bazarlara çıxış, investisiyaların cəlb edilməsi və qeyri-neft sektorunun inkişafı baxımından bu istiqamət mühüm imkanlar yaradır. Eyni zamanda, Azərbaycanın xarici siyasətində tərəfdaşlıq coğrafiyasının genişləndirilməsi ölkənin beynəlxalq mövqelərinin möhkəmləndirilməsinə də xidmət edir. Bu baxımdan Vyetnamla münasibətlər xüsusi maraq doğurur. Bunu AZƏRTAC-a açıqlamasında Mətbuat Şurası İdarə Heyətinin üzvü Yeganə Hacıyeva deyib. O bildirib ki, Vyetnam son illərdə sənaye istehsalı, elektronika, texnologiyalar və ixracyönümlü iqtisadiyyatın inkişafı sahəsində ciddi…





Şərhlər