Rutte: NATO-nun Ukraynaya silah tədarükü üçün bir neçə milyard dolları çatışmır

Bakı, 18 noyabr, AZƏRTAC NATO Ukraynaya silah tədarükü ilə bağlı bu il üçün müəyyən edilmiş maliyyə hədəfinə çatmaq məqsədilə hələ bir neçə milyard dollar vəsait tapmalıdır.AZƏRTAC xəbər verir ki, bunu NATO-nun Baş katibi Mark Rutte Brüsseldə Ukraynaya silah tədarükü üzrə Təmas Qrupunun iclasından sonra keçirilən mətbuat konfransında bildirib.Onun sözlərinə görə, Kiyevə 70 milyard dollar dəyərində silah tədarükü və Avropa ölkələrinin ABŞ-dən 12-15 milyard dollar həcmində silah alması hədəfləri hələ tam yerinə yetirilməyib. Rutte ilin sonunadək çatışmayan vəsaitin tapılacağına nikbinliklə yanaşdığını qeyd edib.Baş katib PURL proqramı çərçivəsində Avropa ölkələrinin ABŞ silahlarının alınmasına artıq xeyli vəsait ayırdığını, lakin bu məbləğin gözləniləndən az ola biləcəyini vurğulayıb.Qeyd edək ki, NATO ölkələri PURL proqramı çərçivəsində Ukrayna üçün indiyədək 10 milyard dollar dəyərində silah alınmasına vəsait ayırıblar.





Şərhlər