Politoloq: Azərbaycan-Vyetnam münasibətləri yeni inkişaf mərhələsinə qədəm qoyur

Bakı, 21 noyabr, AZƏRTAC Azərbaycan ilə Vyetnam arasında münasibətlər uzunmüddətli dostluq ənənələrinə, tarixi əlaqələrə və qarşılıqlı maraqlara əsaslanır. 1992-ci il sentyabrın 28-də diplomatik münasibətlərin qurulmasından sonra iki ölkə arasında siyasi dialoq, iqtisadi əməkdaşlıq və humanitar əlaqələr ardıcıl şəkildə inkişaf edib. Bu gün münasibətlərin strateji tərəfdaşlıq səviyyəsinə yüksəldilməsi isə əməkdaşlığın yeni istiqamətlər üzrə genişləndirilməsi üçün əlverişli imkanlar yaradır.Bu fikirləri AZƏRTAC-a açıqlamasında politoloq Elşad Həsənov deyib. O bildirib ki, Azərbaycan-Vyetnam əlaqələrinin tarixi müstəqillik dövründən xeyli əvvələ gedib çıxır. Hələ sovet dövründə iki xalq arasında dostluq münasibətləri formalaşıb. 1959-cu ildə Vyetnamın ilk prezidenti Ho Şi Min Azərbaycana səfər edib və Bakıda yüksək səviyyədə qarşılanıb. 1981-ci ildə isə Vyetnam Kommunist Partiyasının baş katibi Le Duan Bakıda olub. Həmin dövrdə Azərbaycan Kommunist Partiyası Mərkəzi Komitəsinin birinci katibi vəzifəsini Heydər Əliyev tuturdu. “O illərdə çoxsaylı vyetnamlı tələbələr Azərbaycanda, xüsusilə Azərbaycan Neft və Kimya İnstitutunda təhsil alıblar. Onların bir qismi sonradan Vyetnamda…





Şərhlər