Murat Kurum: İqlim danışıqlarında dünyanın və gələcək nəsillərin mənafeyi nəzərə alınmalıdır

İstanbul, 20 noyabr, AZƏRTAC Türkiyənin ev sahibliyi etdiyi BMT-nin İqlim Dəyişmələri üzrə Çərçivə Konvensiyasının 31-ci Tərəflər Konfransının (COP31) bağlanış iclası keçirilib.AZƏRTAC xəbər verir ki, tədbirdə çıxış edən COP31-in sədri, Türkiyənin ətraf mühit, şəhərsalma və iqlim dəyişikliyi naziri Murat Kurum ölkələri iqlim böhranı ilə mübarizədə ortaq qərara gəlməyə çağırıb.O bildirib ki, iki həftə davam edən müzakirələrdə mühüm irəliləyiş əldə olunub və artıq sözlərin konkret qərarlara çevrilməsi vaxtıdır. Nazir vurğulayıb ki, iqlim danışıqlarında yalnız ayrı-ayrı ölkələrin maraqları deyil, bütün dünyanın və gələcək nəsillərin mənafeyi nəzərə alınmalıdır.“İnsanlıq ümidlə, uşaqlarımızın gələcəyi ilə bağlı son sözü bu salondan gözləyir. Bizə düşən məsuliyyət artıq nəticə əldə etməkdir. İnanıram ki, bu nəticəni birlikdə əldə edəcəyik”,– deyə Murat Kurum bildirib.Nazir COP31-in “Dialoq, razılaşma və fəaliyyət” prinsipləri əsasında keçirildiyini xatırladaraq, konfransdan “Antalya razılaşması” ilə ayrılmağın və dünyaya iqlim fəaliyyəti ilə bağlı müsbət mesaj verməyin vacibliyini vurğulayıb. Günel Karatepe AZƏRTAC-ın xüsusi müxbiri İstanbul





Şərhlər