Əsas məzmuna keç
Son xəbərlər
Energetika

Mərkəzi Asiyanın dörd ölkəsi elektrik enerjisinin vahid ticarət platformasını hazırlayır

Mənbə: AZƏRTAC 2 baxış
Mərkəzi Asiyanın dörd ölkəsi elektrik enerjisinin vahid ticarət platformasını hazırlayır
Foto: AZƏRTAC

Bakı, 19 noyabr, AZƏRTAC Özbəkistan, Qazaxıstan, Qırğızıstan və Tacikistan vahid elektrik enerjisi bazarını işə salmağa hazırlaşır. Enerji Koordinasiya və Dispetçer Mərkəzi bununla bağlı ticarət platformasını yaradacaq və ilkin mərhələdə onu idarə edəcək bir şirkətin seçildiyini elan edib.AZƏRTAC xəbər verir ki, layihə Dünya Bankının dəstəyi ilə həyata keçirilir.Bazar “bir sutka əvvələ” prinsipi əsasında fəaliyyət göstərəcək. “Podrobno.uz” nəşrinin məlumatına görə, bu o deməkdir ki, iştirakçılar ertəsi gün müəyyən saatlar üçün tədarük barədə əvvəlcədən razılığa gələ biləcəklər. Məsələn, Özbəkistanda elektrik enerjisi çatışmazlığı olarsa, onu ehtiyat gücü olan qonşu ölkədən almaq olar. Eynilə, Özbəkistan izafi elektrik enerjisini sata biləcək.İşlərin ilkin olaraq 2027-ci ilin mayında başlanması planlaşdırılır. Sistemin hazırlanması və istifadəyə verilməsi təxminən 18 ay çəkəcək, bundan sonra seçilmiş şirkət enerji ticarətini daha iki il idarə edəcək. Cədvələ əməl olunarsa, ilk əməliyyatlar 2028-ci ilin sonu və ya 2029-cu ilin əvvəlində baş tuta bilər.

Paylaş:

Şərhlər

Şərhlər moderasiyadan sonra dərc olunur. Təhqiramiz və reklam xarakterli şərhlər silinir.

Oxşar xəbərlər

Energetika