İtkinlərin taleyinə aydınlıq gətirilməsi sülhə sadiqliyin ən inandırıcı göstəricilərindən biri olmalıdır - ŞƏRH

Bakı, 21 noyabr, AZƏRTAC İtkin düşmüş şəxslərin taleyinə həsr olunan hər bir beynəlxalq tədbirin dəyəri onun ailələrə hansı cavabı verdiyi ilə ölçülməlidir. İrəvanda humanitar dialoqdan və əməkdaşlıqdan danışılırsa, bu sözlərin davamı arxivlərin açılması, dəfn yerlərinin açıqlanması və axtarışlara kömək edəcək məlumatların təqdim olunması olmalıdır. Onilliklərdir doğmalarını gözləyən insanlar artıq konkret nəticə görmək istəyirlər. Bu fikirləri AZƏRTAC-a açıqlamasında Beynəlxalq Avrasiya Mətbuat Fondunun (BAMF) prezidenti Umud Mirzəyev söyləyib. BAMF prezidentinin sözlərinə görə, itkin düşmüş şəxslərin taleyinin müəyyənləşdirilməsi Azərbaycan–Ermənistan sülh gündəliyinin ən həssas istiqamətlərindən biridir. Bu məsələdə irəliləyiş dövlətlər arasında etimadın möhkəmlənməsinə, müharibədən zərər çəkmiş insanların isə sülhün nəticələrini öz həyatlarında hiss etməsinə kömək edə bilər.Otuz ildən artıqdır övladından xəbər gözləyən anaya, atasının taleyindən xəbərsiz böyüyən insana sülhün mənasını onun yaşadığı ağrıdan kənarda izah etmək çətindir. Bu ailələrin həm həqiqəti öyrənməyə, həm də doğmalarının unudulmadığını görməyə ehtiyacı var. İtkinlərin taleyinə aydınlıq gətirmək sülh…





Şərhlər