Dublindən görünən Bakı: Azərbaycanın Avropa siyasətində artan çəkisi

Dünya siyasətində dövlətlərin nüfuzu təkcə onların iqtisadi və hərbi imkanları ilə ölçülmür. Ən mühüm göstəricilərdən biri də beynəlxalq gündəliyin formalaşmasında hansı mövqedə dayanmaları, strateji qərarların müzakirəsində nə dərəcədə iştirak etmələridir. Prezident İlham Əliyevin noyabrın 12-də İrlandiyanın paytaxtı Dublində keçirilən Avropa Siyasi Birliyinin 9-cu Zirvə Toplantısında iştirakı Azərbaycanın bu baxımdan qazandığı diplomatik imkanları bir daha gündəmə gətirdi.