Əsas məzmuna keç
Son xəbərlər
Elm

AzTU-ya QS dünya reytinqindəki mövqeyinə görə sertifikat təqdim edilib

Mənbə: AZƏRTAC 6 baxış
AzTU-ya QS dünya reytinqindəki mövqeyinə görə sertifikat təqdim edilib
Foto: AZƏRTAC

Bakı, 19 noyabr, AZƏRTAC Azərbaycan Texniki Universitetinin (AzTU) nümayəndə heyəti Qazaxıstanın paytaxtı Astanada keçirilən “QS Eurasia Forum 2026” beynəlxalq forumunda iştirak edir.AzTU-dan AZƏRTAC-a bildirilib ki, forum çərçivəsində AzTU-ya “QS World University Rankings 2027” reytinqində əldə etdiyi nəticəni təsdiqləyən sertifikat təqdim olunub. Sertifikat universitetin Tədqiqat, inkişaf və reputasiya departamentinin direktoru Bəxtiyar Bədəlova təqdim edilib.Qeyd edək ki, AzTU QS Dünya Universitetləri Reytinqinin 2027-ci il buraxılışında dünya üzrə 801–850-ci yerlər qrupunda qərarlaşıb. Universitet əvvəlki buraxılışda 851–900-cü yerlər qrupunda təmsil olunub.“QS Eurasia Forum 2026” beynəlxalq forumunda ali təhsil müəssisələrinin rəhbərləri, dövlət qurumlarının nümayəndələri və ekspertlər bir araya gələrək ali təhsildə məlumatlara əsaslanan qərarvermə, əmək bazarının dəyişən bacarıq tələbləri, strateji tərəfdaşlığın inkişafı, habelə süni intellektin tədris və elmi tədqiqatlara təsirini müzakirə edirlər.

Paylaş:

Şərhlər

Şərhlər moderasiyadan sonra dərc olunur. Təhqiramiz və reklam xarakterli şərhlər silinir.

Oxşar xəbərlər

Elm