Azərbaycanda yeni gəlir mənbəyi: Ekspertlər imkanları açıqladılar - Foto

Azərbaycanda giləmeyvə istehsalının genişləndirilməsi qarşıdakı dövr üçün əsas aqrar hədəflərdən biri olacaq. Bu istiqamətdə məqsəd yalnız istehsal həcmini artırmaq deyil, həm də məhsuldarlığı yüksəltmək, emal imkanlarını genişləndirmək və yerli giləmeyvələrin xarici bazarlara çıxışını artırmaqdır. Göygöldə keçirilən "III Moruq festivalı"nda kənd təsərrüfatı nazirinin müavini Seymur Səfərli bildirib ki, ölkədə intensiv bağlar istiqamətində genişlənmə müşahidə olunur. Növbəti hədəflərdən biri isə giləmeyvə istehsalının artırılması olacaq.