8 Noyabr - Vətənin əbədi zəfəri, xalqın qüruru, ana həsrətinin sonu

Bəzən tarix elə gün yazır ki, o günün sevincini sözlərə, ağrısını cümlələrə, qürurunu isə heç bir kitabın səhifələrinə sığdırmaq olmur. Çünki bəzi tarixlər mürəkkəblə deyil, bir xalqın gözyaşı, anaların duaları, igidlərin fədakarlığı və Vətən sevgisi ilə yazılır. İllər keçdikcə köhnəlmir, əksinə, hər dəfə xatırladıqca insan qəlbində yenidən doğulur, şaxələnir, çoxalır. Bu gün məhz belə tarixdir.